Ինչո՞ւ ենք եկեղեցուց դեմքով դեպի Խորանը դուրս գալիս
– Ինչո՞ւ ենք եկեղեցուց դեմքով դեպի Խորանը դուրս գալիս:
– Խորանը եկեղեցու կարևոր հատվածն է, որտեղ Ս. Սեղանն է՝ աներևույթ Աստծո բնակատեղին: Ս. Սեղանի վրա են պատարագները մատուցվում, հետևաբար այն մեզ համար սուրբ վայր է:
Ուստի երբ հասնում ենք եկեղեցու դռանը, շրջվում ենք դեպի խորանը, մի փոքր խոնարհվում, խաչակնքում մեզ և դուրս գալիս: Նույն ձևով էլ, երբ մտնում ենք եկեղեցի, խոնարհվում ենք և խաչակնքում մեզ:
Եկեղեցու մեկ կողմից մյուսն անցնելիս էլ, երբ հասնում ենք խորանին, շրջվում ենք դեպի Ս. Սեղանը, խաչակնքում և նոր անցնում մյուս կողմը: Անգամ Ս. Պատարագի ժամանակ, դպիրներն ու սարկավագները չեն կտրում Ս. Սեղանը, այլ մյուս կողն են անցնում ետևի կողմից:
