Կառավարությունը սահմանեց օդանավի անձնակազմի անդամների համազգեստի նկարագիրը
ՀՀ կառավարությունը հաստատեց օդանավի անձնակազմի անդամների՝ թռիչքային անձնակազմի (օդաչու, շտուրման, բորտինժեներ, բորտռադիստ) և սրահի անձնակազմի (բորտօպերատոր, բորտուղեկցորդ) անդամների, ինչպես նաև ավիացիոն անվտանգության ծառայությությունների աշխատողների համազգեստի ձևն ու կրման կարգը սահմանելու որոշման նախագծերը:
ՀՀ քաղաքացիական ավիացիայի գլխավոր վարչության պետ Արտյոմ Մովսեսյանը նշեց, որ «Ավիացիայի մասին» ՀՀ օրենքի 35-րդ հոդվածի 6-րդ մասի համաձայն՝ օդանավի անձնակազմի անդամները կրում են սահմանված ձևի համազգեստ, որի նկարագիրը և կրելու կարգը սահմանում է կառավարությունը:
Միաժամանակ, «Ավիացիայի մասին» ՀՀ օրենքի 520-րդ հոդվածի 7-րդ մասի համաձայն՝ ավիացիոն անվտանգության ծառայությունները հանդիսանում են հատուկ կանոնադրական խնդիրներ իրականացնող ծառայություններ, և նրանց աշխատողներին ծառայողական պարտականությունների կատարման ընթացքում թույլատրվում է կրել սահմանված ձևի համազգեստ, որի նկարագիրը և կրելու կարգը նույնպես սահմանում է կառավարությունը:
