ԱՄՆ-ը մեկ տարով երկարաձգել է Ռուսաստանի դեմ պատժամիջոցները
ԱՄՆ նախագահ Բարաք Օբաման հրաման է ստորագրել Ռուսաստանի դեմ պատժամիջոցները երկարաձգելու մասին, որոնք սահմանվել էին 2 տարի առաջ Ուկրաինայում Ռուսաստանի ագրեսիվ գործողությունների պատճառով, հայտնում է BBC-ն:
Փաստաթղթում ասվում է, որ «արտակարգ ռեժիմը, որը սահմանվել էր Ուկրաինայում ժողովրդավարական գործընթացները խափանելու փորձերի հետ կապված», պահպանվում է:
Պատճառների թվում, որը հանգեցրել է պատժամիջոցների երկարաձգմանը, նշվում է Ռուսաստանի կողմից Ղրիմի բռնակցումը, Ուկրաինայում ուժի կիրառումն ու այնտեղ ժողովրդավարական գործընթացները ձախողելու փորձերը:
Օբամայի հրամանում ասվում է, որ Ռուսաստանի Դաշնության գործողությունները Ուկրաինայի նկատմամբ շարունակում են իրենցից ներկայացնել հատուկ ու արտակարգ վտանգ ազգային անվտանգության ու ԱՄՆ արտաքին քաղաքականության համար:
Ռուսաստանի Պետդումայի միջազգային կոմիտեի ղեկավար Ալեքսեյ Պուշկովը ԱՄՆ-ի որոշումը սպասելի է անվանել: