Նշանակումներ Ոստիկանությունում
Հանրապետության Շիրակի, Արագածոտնի և Կոտայքի մարզերում նոր ոստիկանապետեր են նշանակվել։ Այս մասին «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության բաժնից:
«Ոստիկանության Շիրակի մարզային վարչության պետ է նշանակվել է Սարգիս Մարտիրոսյանը: Կոտայքի մարզային վարչության պետ է նշանակվել Լաերտ Գրիգորյանը: Արագածոտնում մարզային ոստիկանության պետ է նշանակվել Ռոման Կիրակոսյանը»,-տեղեկացրին բաժնից:
Ավելի վաղ ՀՀ ոստիկանության պետ Վլադիմիր Գասպարյանը հրամանով` աշխատանքից ազատվել են ոստիկանության Կոտայքի մարզային վարչության պետ Սերոբ Հարությունյանը, Շիրակի մարզային վարչության պետ Գրիշա Ամիրխանյանը եւ Արագածոտնի վարչության պետ Գրիգոր Գրիգորյանը:
