Կուբայում գրանցվել է Զիկա վիրուսի վարակման առաջին դեպքը
Զիկա տենդով վարակման առաջին դեպքն է գրանցվել Կուբայում, հայտնում է BBC-ն՝ հղում կատարելով տեղի ԶԼՄ-ներին:
Հիվանդությունը հայտնաբերվել է 28-ամյա վենեսուելացի մի բժշկուհու մոտ: Կինը Կուբա էր ժամանել փետրվարի 21-ին՝ սովորելու տեղի բժշկական համալսարանում ու բնակվել էր արևմտյան Ատրեմիսա նահանգի հանրակացարանում:
Մի քանի օր անց կինը հոսպիտալացվել է, նրա մոտ հայտնաբերվել են տենդի նախանշաններ: Կինը հայտնել է, որ ավելի վաղ Զիկայով վարակվել է իր ամուսինը:
Վերջին ամիսներին Զիկա վիրուսը արագ տարածվում է Լատինական Ամերիկայի երկրներում: Ավելի շատ մարդիկ են վարակվել Զիկայով Բրազիլիայում:
