Արտակարգ դրություն. Մոսկվայում գիշերը տեղացել է տեղումների ամսական նորմայի գրեթե կեսը
Անցած գիշեր Մոսկվայի շրջանում տեղացել է տեղումների ամսական նորմայի կեսը, Interfax-ին հայտնել են Մոսկվայի հիդրոօթերևութաբանական ծառայությունից:
Ուժեղ ձյունը, որն սկսվել է երեկ երեկոյան, կշարունակվի նաև այսօր, Մոսկվայում այսօր մինչև 24 մմ տեղումներ են սպասվում, ինչը կազմում է ամսական նորմայի 70%-ը:
Մոսկվայի իշխանությունները նախազգուշացրել են, որ եղանակային պայմանների վատթարացման հետևանքով հնարավոր են խնդիրներ ավտոճանապարհներին, կարող է մեծանալ ՃՏՊ-ների թիվն ու կոչ են արել մոսկվացիներին օգտվել հասարակական տրանսպորտից:
ՌԴ մայրաքաղաքում դիտվում են նաև խցանումներ ավտոմայրուղիներին: Իշխանությունները պնդում են, որ քաղաքային ծառայությունները անցել են աշխատանքի շուրջօրյա ռեժիմի:
«Շերեմետևո» և «Դոմոդեդովո» օդանավակայաններում չեղյալ են հայտարարվել տասնյակ ավիաչվերթեր:
