Մարզահամերգային համալիրը համալրվելու է ձայնային նոր սարքավորումներով
Երևանի Կարեն Դեմիրճյանի անվան մարզահամերգային համալիրը համալրվելու է ձայնային նոր սարքավորումներով: Համալիրին անհատույց գույք ամրացնելու որոշման նախագիծն ընդգրկված է կառավարության փետրվարի 3-ի նիստի օրակարգում:
Սարքավորումները ձեռք են բերվել Հայաստանի և Ճապոնիայի կառավարությունների միջև կնքված համաձայնագրի շրջանակներում և հանդիսանում են Հայաստանի սեփականությունը:
«Որոշման ընդունմամբ կազմակերպությունը կհամալրվի որակյալ ձայնային սարքավորումներով, ինչն էլ իր հերթին կնպաստի իրականացնել լիարժեք և արդյունավետ համերգային գործունեություն»,- նշված է հիմնավորման մեջ:
Գործադիրի նախորդ որոշումներից մեկով համալիրն ամրապկցվել է ՀՀ պետական գույքի կառավարման վարչությանը:
