«Ղարաբաղյան ստատուս-քվոն չի կարող երկար պահպանվել». Ֆեդերիկա Մոգերինի
«Լեռնային Ղարաբաղի հակամարտության խաղաղ կարգավորումն առաջնահերթություն է»,- անդրադառնալով ԼՂ հակամարտությանը այսօր Երևանում լրագրողների հետ հանդիպման ժամանակ ասաց ԵՄ Բարձր ներկայացուցիչ, Եվրոպական հանձնաժողովի փոխնախագահ Ֆեդերիկա Մոգերինին:
Նա նաև նշեց, որ ստատուսքվոն չի կարող երկարպահպանվել, բայց հակամարտությունը չունի նաև ռազմական լուծում: Ըստ նրա՝ ԵՄ-ն աջակցում է Մինսկի խմբի (ԵԱՀԿՄԽ) համանախագահների ջանքերին, Մադրիդյան սկզբունքներին և տարրերին:
Մոգերինին ընդգծեց, որ կարևոր է ձեռնպահ մնալ ռազմատենչ հռետորաբանությունից և բռնությունների աճից: Նա նաև նշեց, որ ԵՄ-ն աջակցում է ԵԱՀԿՄԽ ջանքերին և հետաքննական մեխանիզմների ներդրման հարցին:
«ԵՄ-ն պատրաստ է շարունակել աջակցել խաղաղ կարգավորման ջանքերին և մարդկանց միջև անհատական շփումներին», – ասաց Մոգերինին:
