Բաշար Ասադն ընդդիմադիր խմբավորումների զինյալներին համաներում է շնորհել
Սիրիայի նախագահ Բաշար Ասադն ընդդիմադիր խմբավորումների զինյալներին համաներում է առաջարկել ու հնարավորություն՝ վերադառնալ խաղաղ կյանքի: Այդ մասին նա հայտարարել է գերմանական ARD հեռարձակող կորպորացիային տված հարցազրույցում, տեղեկացնում է TASS-ը:
«Զենքը վայր դրեք, եթե ցանկանում եք մասնակցել քաղաքական գործընթացին: Ինչպես ասվել է, նրանք կստանան անսահմանափակ համաներում»,- ասել է Ասադը:
«Ամենակարևորը Սահմանադրության և իրավունքի տեսանկյունից, Սիրիայի բնակչության շահերի ու սկզբունքի տեսակետից այն է, որ նրանք՝ լինելով Սիրիայի քաղաքացիներ, իրավունք չունեն քայլել ինքնաձիգներով ու զենքն ուղղել այլ մարդկանց դեմ: Ավելին մենք չենք պահանջում»,- հայտարարել է Ասադը:
Ասադը փետրվարի 27-ին մեկնարկած համաներումն անվանել է «հույսի նշույլ»: «Ահաբեկիչները զինադադարի առաջին ժամից այն խախտել են, սիրիական բանակը տեղում էր, որպեսզի պահպանի պայմանավորվածությունը: Մենք կարող ենք դա անել մեր կողմից, սակայն ամեն ինչ ունի իր սահմանները»,- ասել է Ասադը:
