Աբրամովիչը հանդիպում կանցկացնի Կոնտեի հետ
«Չելսիի» սեփականատերը կքննարկի պայմանագրի դետալներն ապագա մարզչի հետ:
Իտալիայի հավաքականի գլխավոր մարզիչ Անտոնիո Կոնտեն շուտով կարող է հարթել վերջին ձևականությունները` կապված «Չելսիում» աշխատանքի հետ:
Ինչպես հաղորդում է La Gazzetta dello Sport-ը, լոնդոնյան ակումբի սեփականատեր Ռոման Աբրամովիչը պլանավորում է մոտակա 3 օրերի ընթացքում հանդիպել 40-ամյա մասնագետի հետ Մոնտե Կառլոյում, որտեղ ապրում է մարզչի գործակալը, որպեսզի հաստատի ապագա պայմանագրի դետալները: Սպասվում է, որ Կոնտեն կստորագրի «կապույտների» հետ եռամյա պայմանագիր` տարեկան 6.5 մլն եվրո աշխատավարձով:
Պատրաստեց Անի Գաբուզյանը
