Էրդողանը Դեմիրթաշի դեմ մեղադրանք է ներկայացրել
Թուրքիայի նախագահ Ռեջեփ Թայիփ Էրդողանը նոր մեղադրանք է ներկայացրել քրդամետ Ժողովուրդների դեմոկրատական կուսակցության համանախագահ Սելահաթթին Դեմիրթաշի դեմ: Թուրքական Demokrathaber.net-ի փոխանցմամբ՝ պատճառը Մերսինում Դեմիրթաշի ունեցած ելույթն է:
Հիշեցնենք, որ իր ելույթում Դեմիրթաշը, դիմելով Էրդողանին, ասել էր. «Գողը խալիֆ չի դառնա»: Թուրքիայի նախագահն ասվածն ընդունել է իբրև վիրավորանք և մեղադրանք է ներկայացրել Դեմիրթաշի դեմ:
