Միլանի նորաձևության շաբաթը. Versace-ի 2016-2017 հավաքածուն
Versace նորաձևության տան 2016-2017 հավաքածուի ցուցադրության ժամանակ հավաքվել էին պոդիումի նոր սերնդի առանցքային դեմքերը՝ Ջիջի Հադիդը, Քենդալ Ջենները, Նատաշա Պոլին, Ադրիանա Լիման, Իրինա Շեյքը:
Նորաձևության տան տիրուհին՝ Դոնաթելլա Վերսաչեն, ներկայացրել է կնոջ նոր կերպար՝ իր հերոսուհուն ներկայացնելով ոճային self-made woman:
«Ես սիրում եմ միախառնել cool girl-ի կերպարն իրական, հողեղեն կերպարի հետ, այդ պատճառով էլ իմ նոր հավաքածուում խոսքը գնում է կանանց ամենատարբեր տեսակների կանացիության հասկացության մասին»,- ասում է Դոնաթելլա Վերսաչեն:
Ցուցադրությունը բացվել է ռազմածովային նավատորմի երանգների խիստ մունդիր-վերարկուներով, ապա բեմին աստիճանաբար հայտնվել են 1970-ականների կերպարները:
