Սիրիայի Համա նահանգում պայթյուն է որոտացել. կան զոհեր
Սիրիայի Համա նահանգում պայթյուն է որոտացել, հայտնում է Reuters-ը:
Նշվում է, որ պայթյունի հետևանքով 2 մարդ է զոհվել:
Նախնական տեղեկություններով՝ մեքենա է պայթեցվել:
Հիշեցնենք, որ Սիրիայում ռազմական գործողությունների դադարեցման մասին համաձայնագիրը պաշտոնապես ուժի մեջ է մտել փետրվարի 27-ին՝ Դամասկոսի ժամանակով ժ. 00:00-ին (Երևանի ժամանակով՝ ժ. 02.00-ին), հայտնում է BBC-ն:
Երկրի տարածքում զինադադարն սկսելու պահից Սիրիայի Մարդու իրավունքների հարցով դիտորդական կենտրոնը հայտնել է, որ կրակի դադարեցման ռեժիմին ընդհանուր առմամբ հետևում են հակամարտության բոլոր կողմերը, թեև կեսգիշերից հետո գրանցվել են հրաձգության դեպքեր Դանասկոսի շրջանում ու Դերաա քաղաքում:
Սիրիայի հարցով ՄԱԿ-ի հատուկ դեսպանորդ Ստաֆան դե Միստուրան հայտարարել է, թե մտավախություն ունի, որ փորձեր կլինեն՝ խոչընդոտելու հակամարտության ավարտի պլանի իրականացմանը:
«Շաբաթ օրը կդառնա չափազանց կարևոր օր: Հավանաբար, մենք կտեսնենք ոչ քիչ փորձեր՝ ուղղված այն բանին, որ մեր ջանքերը զրոյի հավասարվեն»,- ասել է նա:
Հիշեցնենք, որ Վաշինգտոնն ու Մոսկվան փետրվարի 22-ին հայտարարեցին Սիրիայում ռազմական գործողությունների պայմանների ու ժամկետների շուրջ համաձայնության գալու մասին:
