Աֆղանստանում մահապարտ ահաբեկչի իրականացրած պայթյունի հետևանքով 10 մարդ է զոհվել
Նվազագույնը 10 մարդ է զոհվել այսօր առավոտյան Աֆղանստանի Կունար նահանգում՝ Պակիստանի հետ սահմանի հարևանությամբ տեղի ունեցած պայթյունի հետևանքով, հայտնում է Reuters-ը՝ հղում կատարելով տեղական իշխանություններին:
Մահապարտ-ահաբեկիչը մոտոցիկլետով մոտեցել է Ասադաբադ քաղաքի ադմինիստրատիվ շենքին, որի մուտքի մոտ պայթուցիկ սարք է գործարկել:
Պայթյունը որոտացել է տեղի ժամանակով ժ. 10.00-ին, հայտնել է աֆղանական «Արիանա» հեռուստաալիքը:
Վնասվածք է ստացել մոտ 40 մարդ: Տուժածների մեծ մասը եղել են մոտակայքում խաղացող երեխաներ:
Դեռ ոչ ոք չի ստանձնել պայթյունների պատասխանատվությունը:
