«Ռեալի» դեմ խաղից առաջ «Ատլետիկոն» կորուստ ունի
Այս հանգստյան օրերին իսպանական Լա լիգայում կկայանա մրցաշարային աղյուսակի համար շատ կարևոր մադրիդյան դերբին: Մադրիդյան 2 ակումբներն էլ անում են ամեն բան ամենաուժեղ կազմով ներկայանալու համար:
Սակայն Մադրիդի «Ատլետիկոն» կորուստ ունի. պաշտպան Ստեֆան Սավիչը բաց է թողնելու դերբին:
AS-ը տեղեկացնում է, որ պաշտպանը վնասել է աջ ազդրի մկանը: Վնասվածքը նա ստացել է Չեմպիոնների լիգայի 1/8 եզրափակչում կայացած ՊՍՎ-ի հետ խաղի ժամանակ:
Հիշեցնենք, որ «Ռեալ Մադրիդ»-«Ատլետիկո» հանդիպումը տեղի կունենա փետրվարի 27-ին, Երևանի ժամանակով 19:00-ին:
Սիրարփի Աղաբաբյան
