«Մեսսին ինձ գոլ է խփել այնքան, ինչքան ցանկացել է». Իկեր Կասիլիաս
Մադրիդի «Ռեալի» նախկին դարպասապահ Իկեր Կասիլիասը, ով ներկա պահին պաշտպանում է «Պորտուի» գույները, նշել է, որ «Բարսելոնայի» հարձակվող Լիոնել Մեսսին իրեն գոլ է խփել միշտ, երբ ցանկացել է: Կասիլիասը դա ասել է ի պատասխան խնդրանքին` անվանելու աշխարհի լավագույն ֆուտբոլիստին: Իսպանիայի հավաքականի դարպասապահն ընդգծել է, որ դժվար է ընտրություն կատարել Լիոնել Մեսսիի և Թագավորական ակումբի հարձակվող Կրիշտիանու Ռոնալդուի միջև:
«Ռոնալդուն թիմում իմ խաղընկերն է եղել: Նրա շնորհիվ նույնպես ես կատարելագործել եմ իմ խաղը: Նրանց միջև ընտրություն կատարելը դժվար է: Մեսսիի հետ ես հանդիպել եմ՝ որպես հակառակորդ, և նա ինձ գոլ էր խփում այնքան, ինչքան ցանկանում էր»,- ասել է Կասիլիասն իսպանական հեռուստատեսությանը տված հարցազրույցում:
Պատրաստեց Անի Գաբուզյանը
