«ՀԲ-ից վերցված 30 մլն դոլարի վարկը մարելու են ընկերությունները, ոչ թե պետությունը». Երվանդ Զախարյան
Համաշխարհային բանկից վերցված 30 մլն դոլարի վարկը, որն ուղղված է լինելու է էներգետիկ համակարգի ընկերությունների պարտքի մարմանը, պետությունը չի մարելու: Կառավարության նիստից հետո լրագրողների հետ զրույցում ՀՀ էներգետիկայի և բնական պաշարների նախարար Երվանդ Զախարյանից լրագրողները հետաքրքվեցին, թե ինչո՞ւ պետք է ՀԷՑ-ի պարտքերը մարելու համար ՀՀ կառավարությունը վարկ վերցնի Համաշխարհային բանկից, ինչին ի պատասխան նախարարն ասաց. «Պետությունը չի մարելու այդ վարկը, այլ ընկերություններն՝ իրենց միջոցների հաշվին: Ո՞վ է ասել, որ պետությունն է տալու այդ վարկը, նման բան ո՞վ է ասել: Պետությունը թույլ է տալիս, որ ընկերություններն այդ վարկը վերցնեն»,- ասաց նախարարը:
