Պեկինը միլիարդատերերի թվով առաջ է անցել Նյու Յորքից
Չինաստանի մայրաքաղաքն այստեղ ապրող դոլարային միլիարդատերերի թվաքանակով առաջ է անցել Նյու Յորքից:
Դեռ ավելին, Շանհայի Hurun ընկերության տվյալներով, որն ամեն տարի զեկույց է ներկայացնում աշխարհի միլիարդատերերի թվաքանակի վերաբերյալ, Պեկինը աշխարհի նոր մայրաքաղաքն Է դարձել ամենահարուստների համար, տեղեկացնում է BBC-ին:
Այս քաղաքում միլիարդատերերի թիվը մեկ տարվա ընթացքում 95-ից հասել է 100-ի:
Հետազոտության համաձայն՝ ընդհանուր առմամբ աշխարհում այժմ ապրում է 2188 մարդ, որոնց կարողությունը գերազանցում է 1 մլրդ դոլարը, նրանցից 47-ը 40-ից ցածր տարիքի են: Դոլարային միլիարդատերերի թվաքանակով առաջատարների եռյակում, բացի Չինաստանից եւ ԱՄՆ-ից, տեղ է զբաղեցնում Հնդկաստանը:
