Սպանությունը բացահայտվել է
Ինչպես տեղեկացրել էինք՝ ոստիկանության Արտաշատի բաժնի կողմից որպես անհայտ կորած որոնվում էր Արարատի մարզի Ջրաշեն գյուղի բնակիչ, 1982 թ. ծնված Գարիկ Հուսիկի Արզունյանը, որը փետրվարի 11-ին դուրս էր եկել տնից և նրա գտնվելու վայրն անհայտ էր:
Փետրվարի 22-ին, ժամը 22.30-ին, ոստիկանության Մասիսի բաժնում ահազանգ էր ստացվել, որ Արարատի մարզի Նորամարգ գյուղի վերջնամասում գտնվող ջրատարում այրված դիակ կա:
Ձեռնարկված միջոցառումներով պարզվել է, որ հայտնաբերվածը Գ. Արզունյանի դին է:
Պարզվել է նաև, որ Գ. Արզունյանին սպանել և դին այրել են:
Հանցագործությունը բացահայտվել է:
Սպանության կասկածանքով կան բերման ենթարկվածներ:
Քննությունը շարունակվում է:
