Վրաստանի կառավարությունում կադրային փոփոխություններ են սպասվում. ԶԼՄ-ներ
Իշխող «Վրացական երազանք» կոալիցիայի ղեկավար Բիձինա Իվանիշվիլին որոշում է կայացրել կառավարական փոփոխությունների վերաբերյալ: Դրանք իրականացվելու են մարտին:
Ըստ GHN գործակալության տեղեկությունների՝ երկրի արտգործնախարարի պաշտոնը կզբաղեցնի ներկայում նախարարի առաջին տեղակալ Դավիթ Զալկալիանին: Արտգործնախարար Միխայիլ Ջանելիձեն կգլխավորի Վրաստանի էկոնոմիկայի նախարարությունը: Հայտնի է նաև, թե ով կփոխարինի ֆինանսների նախարարին: Կուլուարային տեղեկությունների համաձայն՝ երկրի ֆինանսների նախարարի պորտֆելը կզբաղեցնի փոխվարչապետ, էկոնոմիկայի նախարար Դմիտրի Կումսիշվիլին:
Դեռ վերջնական որոշում կայացված չէ երկրի ներքին գործերի նախարարի փոփոխության վերաբերյալ:
Հիշեցնենք, որ երկրի վարչապետ Գեորգի Կվիրիկաշվիլիի նշանակման ժամանակ փոփոխություններ չեն նշանակվել կառավարությունում, սակայն նա հայտարարել է, թե չի բացառում առանձին փոփոխությունները կառավարությունում որոշ ժամանակ անց:
