Ապագայի կանխատեսումը՝ ըստ Լեոնարդո դա Վինչիի

Առեղծվածային նկարիչ Լեոնարդո դա Վինչին իր նոթերում բազմաթիվ կանխատեսումներ է թողել: Սակայն դա Վինչիի գրառումներից հաճախ հասկանալի չի լինում՝ արդյո՞ք նա կանխատեսումներ է արել ապագայի համար, թե՞ դրանք պարզապես ժամանակի քաղաքական կյանքի արտացոլումն է եղել:

Դա Վինչիի կանխատեսումներն այնքան էլ լավատեսական չեն:

Ըստ դա Վինչիի՝ տեղի կունենան եղանակային այնպիսի փոփոխություններ, որոնք խոր փոսեր կառաջացնեն, որտեղ էլ կթաղվեն և՛ կենդանիները, և՛ մարդիկ;

Կան կանխատեսումներ, որոնք, ըստ գիտնականների՝ արդեն իսկ իրականացել են:

Օրինակ, դա Վինչին ասել է, որ մարդիկ կարող են խոսել իրար հետ մի երկրից մյուսը: Հնարավոր կլինի մեծ հեռավորություն ապահովող հաղորդակցություն: Այսօր սմարթֆոնների ծրագրերը միանշանակ թույլ են տալիս հաղորդակցվել թե՛ բանավոր, և թե՛ գրավոր տարբերակներով:

Տաք շրջանները կպատվեն ձյունով, որոնք կբերվեն բարձր լեռներից: Այդ ձյունը կբերվի ամռանը: Ըստ վերլուծաբանների՝ խոսքը 2010 թվականին տեղի ունեցած Վանկուվերի ձմեռային օլիմպիադայի մասին է:

Դա Վինչին նշել է նաև, որ աստղային գալակտիկաների շնորհիվ մարդիկ կունենան ինչ-որ արագավազ կենդանու հետ համեմատվող արագության հնարավորություն: Տեսաբանները գտնում են, որ դա Վինչին խոսել է տրանսպորտային փոխադրամիջոցների մասին: Բայց թե ի՞նչ կապ ունեն այստեղ աստղերը, նրանք այդպես էլ չեն պատասխանել:

Սիրարփի Աղաբաբյան