Լուկաշենկոն իր զորակցությունն է հայտնել Բաշար Ասադին
Սիրիայի նախագահ Բաշար Ասադը ստացել է Բելառուսի նախագահ Ալեքսանդր Լուկաշենկոյի ուղերձը, որտեղ վերջինս իր աջակցությունն է հայտնում սիրիացի ժողովրդին՝ տարածքային ամբողջականության ու երկրի ինքնիշխանության համար պայքարում, հայտնում է Interfax-ը՝ հղում կատարելով Բելառուսի կոմկուսի մամլուլի ծառայությանը, որի պատվիրակությունը այցելել էր Դամասկոս աշխատանքային այցով:
«Դամասկոսում աշխատանքային այցով գտնվող Բելառուսի պատվիրակությանն ընդունել է Սիրիայի նախագահ Բաշար Ասադը»,- ասել է մամուլի ծառայության աշխատակիցը:
«Ուղերձում աջակցության խոսքեր են՝ ուղղված սիրիացի ժողովրդին իր տարածքային ամբողջականության ու երկրի ինքնիշխանության համար մղած անզիջում պայքարում:
Հաստատվել են Բելառուսի մտադրությունները՝ այսուհետ ևս զարգացնել բարեկամական հարաբերությունները Սիրիայի հետ, ընդլայնել փոխշահավետ համագործակցությունը տարբեր ոլորտներում»,- հավելել է նա:
