ԱԷԿ-ի անվտանգության համար կծախսվի 1.5 մլրդ դրամ
«Հայկական ատոմային էլեկտրակայան» ՓԲ ընկերությունը նախատեսում է այս տարի ծախսել 1 մլրդ 537մլն դրամ՝ կայանի անվտանգության և հուսալիության մակարդակի բարձրացման և հիմնական միջոցների փոխարինման համար: ԱԷԿ-ը 2016 թվականի իր ներդրումային ծրագիրը ներկայացրել է Հանրային ծառայությունները կարգավորող հանձնաժողովին:
Ըստ ՀԾԿՀ կայքի՝ իրականացված ներդրումների արդյունքում շահագործման հանձնված հիմնական միջոցների մաշվածությունը կհաշվարկվի գծային եղանակով և կկիրառվի տարեկան 6 % մաշվածության նորմա, իսկ մնացորդային արժեքի նկատմամբ յուրաքանչյուր տարի կկիրառվի 10 % շահույթի նորմա` մինչև հարկումը: Հանձնաժողովը ԱԷԿ-ի ներդրումային ծրագրին համաձայնություն տալու մասին հարցը կքննարկի առաջիկա նիստում՝ փետրվարի 24-ին:
