«Ածելու սայրի վրայով վազողը» ֆիլմի շարունակությունն էկրանին կլինի 2018 թվականին
«Ածելու սայրի վրայով վազողը» լեգենդար ֆիլմի շարունակությունն էկրան կբարձրանա 2018 թվականի հունվարին:
Ֆանտաստիկ թրիլլերը ռեժիսոր Ռիդլի Սքոթի կողմից նկարահանվել է 1982 թվականին՝ Ֆիլիպ Դիկի «Անդրիոդները երազում են արդյոք էլեկտրաոչխարների մասին» վեպի մոտիվներով: Դերասան Հարիսոն Ֆորդը ֆիլմում մարմնավորել Է ոստիկան Ռիք Դեքարդին, որը Լոս Անջելեսում հետեւում էր այսպես կոչված ռեպլիկանտներին՝ արտաքինով մարդկանցից չտարբերվող կիբորգներին:
Հայտնի Է, որ Ֆորդը կշարունակի խաղալ իր հերոսի դերը, իսկ մյուս գլխավոր դերը ֆիլմում, որի գործողությունը տեղի Է ունենում առաջին մասի իրադարձություններից մի քանի տասնյակ տարի անց, կխաղա Ռայան Գոսլինգը:
Կինոնկարի բեմադրությունը վստահված է կանադացի ռեժիսոր Դենի Վիլնեւին, որի նախորդ աշխատանքը՝ «Մարդասպանը», շատ բարձր է գնահատվել համաշխարհային կինոմամուլի կողմից:
Ֆիլմի նկարահանումները պլանավորվում է սկսել հուլիսին: «Ասոշիեյթեդ պրես» գործակալության տվյալներով՝ կինոնկարի պրեմիերան կկայանա 2018 թվականին՝ Մարտին Լյութեր Քինգի օրը, որը նշվում է հունվար ամսվա երրորդ երկուշաբթի օրը, հաղորդել է ՌԻԱ Նովոստին:
