Air France-ի ինքնաթիռի շարժիչը թռիչքի նախապատրաստվելիս այրվել է
Ֆրանսիական Air France ավիաընկերությանը պատկանող Avro RJ85 ուղևորատար ինքնաթիռը, որը թռիչք էր իրականացնում Թուրինից Փարիզ, տարհանվել է շարժիչի այրման հետևանքով, հայտնում է իտալական La Stampa թերթը:
Դեպքը տեղի է ունեցել այսօր՝ տեղի ժամանակով ժ. 6.45-ին (Երևանի ժամանակով ժ. 09.45-ին) հենց այն պահին, երբ ինքնաթիռը պատրաստվում էր թռիչք իրականացնել:
Պարբերականի տեղեկություններով՝ ուղևորներից ոչ ոք չի տուժել: Կրակը մարվել է հրշեջների կողմից:
