Սերժ Սարգսյանը վերաքննիչ քրեական դատարանի նախագահ է նշանակել
ՀՀ նախագահ Սերժ Սարգսյանի հրամանագրով՝ վերաքննիչ քրեական դատարանի նախագահ է նշանակվել նույն դատարանի դատավոր Վազգեն Ռշտունին:
Հրամանագրում մասնավորապես ասվում է. «Ղեկավարվելով 2005 թվականի փոփոխություններով Հայաստանի Հանրապետության Սահմանադրության 55-րդ հոդվածի 11-րդ կետով, հիմք ընդունելով Հայաստանի Հանրապետության դատական օրենսգրքի 145-րդ հոդվածը և հաշվի առնելով Արդարադատության խորհրդի 2016 թվականի փետրվարի 12-ի ԱԽ-3-Ո-2 որոշմամբ ներկայացված առաջարկությունը` ո ր ո շ ու մ ե մ.
Վազգեն ՌՇՏՈՒՆՈՒՆ նշանակել Հայաստանի Հանրապետության վերաքննիչ քրեական դատարանի նախագահ՝ դադարեցնելով նրա՝ Հայաստանի Հանրապետության վերաքննիչ քրեական դատարանի դատավորի լիազորությունները»:
Նախագահի մեկ այլ հրամանագրով՝ Տիգրան Սահակյանը, ով մինչ այդ զբաղեցնում էր դատարանի նախագահի պաշտոնը, նշանակվել է վերաքննիչ քրեական դատարանի դատավոր:
