Փետրվարի 16-ն այսուհետ Վահագն Հովնանյանի պատվին կնշվի՝ որպես «Հիմնադրի օր»
Փետրվարի 16-ին բարերար, գործարար, հասարակական գործիչ Վահագն Հովնանյանը կդառնար 84 տարեկան: Նրա ծննդյան տարեդարձի օրը Վահագնի թաղամասում տեղի ունեցավ «Հիմնադրի օրվան» նվիրված միջոցառում, որն այսուհետ կրելու է շարունակական բնույթ և թաղամասում նշվելու է յուրաքանչյուր տարվա փետրվարի 16-ին` վառ պահելու համար նրա հիշատակն ու անունը: Հիշեցնենք, որ բարերարը կյանքին հրաժեշտ տվեց 2015թ. օգոստոսի 31-ին:
Իր ողջ գործունեության ընթացքում Վահագն Հովնանյանը նպաստել է ավելի հզոր և բարեկեցիկ անկախ Հայաստանի կառուցմանը, բազմաթիվ ծրագրեր է իրականացրել ոչ միայն՝ արտերկրում, այլև՝ Հայաստանում: Զգալի է նրա ներդրումը Հայաստանի մշակույթի, զբոսաշրջության, կրթության, շինարարության ոլորտներում:
Ծննդյան տարեդարձի մշակութային միջոցառման ընթացքում, որին ներկա էին նրա կինը և զավակները, ընկերները, տարբեր ոլորտների ներկայացուցիչներ, կատարվեց նաև բարերարի հիշատակին նվիրված խաչքարի օրհնության և օծման արարողությունը:
https://www.youtube.com/watch?v=-6AgHLxsdNY&feature=youtu.be
