Ռիհաննան «Գրեմմիի» մրցանակաբաշխության ժամանակ ելույթ չի ունենա. բժիշկն արգելել է
Բրոնխիտը խանգարել է ամերիկյան R&B երգչուհի Ռիհաննային ելույթ ունենալ 58-րդ «Գրեմմի» մրցանակաբաշխությանը: Այս մասին հայտնում է Los Angeles Times-ը:
Մրցանակաբաշխության շոուի ժամանակ Ռիհաննան պետք է ելույթ ունենար ու կատարեր իր Kiss It Better երգը` Anti ալբոմից: Սակայն վերջին պահին հայտնի է դարձել, որ երգչուհին չի կարող բեմ դուրս գալ: Ինչպես հայտնել է երգչուհու ներկայացուցիչը՝ բրոնխիտի պատճառով բժիշկը Ռիհաննային արգելել է 48 ժամվա ընթացքում երգել:
