Անգլիայի Պրեմիեր լիգայում հաղթելու համար «Արսենալին» չի բավականացնում հասունությունը
«Բարսելոնայի» պաշտպան Դանի Ալվեսը կարծիք է հայտնել Չեմպիոնների լիգայի փլեյ-օֆֆում իր թիմի մրցակից «Արսենալի» մասին:
««Արսենալին» երբեմն չի բավականացնում հասունությունը և փորձը, որպեսզի սկսածը հասցնի ավարտին: Նրանց թիմը դեռ բավական երիտասարդ է: Նրանք շատ լավ մեկնարկեցին ԱՊԼ-ում, բայց որպեսզի պահեն այդ մակարդակը և տիտղոսներ նվաճեն, ավելի շատ բան է պահանջվում:
Նրանք շատ լավ աշխատում են գնդակով, գործում են շատ կազմակերպված, բայց նրանց մոտ չկա երիտասարդության և փորձի զուգակցումը: Երիտասարդ տղաները նետվում են հարձակման, բայց լինում են ժամանակներ, երբ դու պետք է հսկողության տակ պահես խաղը»,- ասել է Ալվեսը:
Պատրաստեց Անի Գաբուզյանը
