«Բարսելոնան» հերքում է. Օզիլը չի հետաքրքրում կատալոնացիներին
Մարզական մամուլը վերջին օրերին ակտիվորեն քննարկում է այն ասեկոսեն, ըստ որի՝ «Արսենալի» կիսապաշտպան Մեսութ Օզիլը ցանկանում է տեղափոխվել «Բարսելոնա», իսկ կատալոնացիներն էլ միայն ուրախ են դրա համար և գրկաբաց սպասում են Գերմանիայի ազգային հավաքականի ֆուտբոլիստին:
Սակայն այսօր «El Mundo Deportivo»-ն տարածեց տեղեկատվություն, ըստ որի՝ կատալոնական ակումբի ներքին աղբյուրները հերքել են այդ լուրը՝ նշելով, որ անգամ չի եղել խոսակցություն, որ Օզիլը մի օր կարող է դառնալ կատալոնական ակումբի ֆուտբոլիստ:
Օզիլն ԱՊԼ-ի և Եվրոպայի ամենաարդյունավետ ֆուտբոլիստներից է: ԱՊԼ-ի ընթացիկ մրցաշրջանում նա դարձել է 16 գոլային փոխանցման հեղինակ և խփել է 4 գնդակ:
Սիրարփի Աղաբաբյան
