Թուրք լրագրողն Էրդողանին քննադատող թվիթի համար դատապարտվել է 28 ամսվա բանտարկության
Թուրքիայում 24-ամյա լրագրող Հիլալ Քալաֆաթը դատապարտվել է 2 տարվա ու 4 ամսվա բանտարկության Twitter-ի իր էջում հաղորդագրության համար, որտեղ, ըստ դատարանի, պարունակվում է վիրավորանք Թուրքիայի նախագահ Ռեջեփ Թայիբ Էրդողանի հասցեին, հայտնում է Hurriyet-ը:
Նշվում է, որ 2015թ. մարտին գրված իր հաղորդագրության մեջ լրագրողը քննադատել է երկրի նախագահին, ինչպես նաև՝ իշխող «Արդարություն և զարգացում» կուսակցությանը:
Քալաֆաթն ավելի ուշ հեռացրել էր իր գրառումը, սակայն Դատախազությունը սկսել էր նրա դեմ հետաքննությունը:
Դատարանում աղջիկն ընդունել էր «հանցանքը», ինչից հետո 5 տարով ազատազրկումը մեղմացվել էր:
