Պեսկովը՝ մարտի 1-ից Սիրիայում ռազմական գործողությունները դադարեցնելու Ռուսաստանի առաջարկի մասին
Ռուսաստանի նախագահ Վլադիրմիր Պուտինի մամլո քարտուղար Դմիտրի Պեսկովը մեկնաբանել է տեղեկությունն այն մասին, որ Մոսկվան իբր հանդես է եկել մարտի 1-ից Սիրիայում ռազմական գործողությունները դադարեցնելու առաջարկով, տեղեկացնում է LifeNews-ը:
Նա հայտարարել է, որ պաշտոնապես նման պլաններ չեն հրապարակվել, քանի որ բանակցային գործընթացը հարկավոր է վարել շատ զգույշ:
«Գործընթացը շատ փխրուն է, ընթանում է համաձայնություն, ու չի կարելի ասել ինչ-որ համերաշխության մասին սիրիական կարգավորման գործընթացում»,- նշել է Պեսկովը:
«Դուք գիտեք, որ Ռուսաստանը հետևողականորեն ջանքեր է գործադրում սիրիական հակամարտության կարգավորման համատեքստում մյուս երկրների հետ, որոնք գործընթացի մաս են: Ես չէի շտապի»,- ընդգծել է նա:
Հիշեցնենք, որ Associated Press գործակալությունը, հղում կատարելով ամերիկացի պաշտոնյաներին, հայտնել էր, թե Ռուսաստանը առաջարկել է մարտի 1-ից կրակը դադարեցնել Սիրիայում:
