Ադրբեջանը պարզում է, թե Վիկտորյա Նուլանդն ինչ դեր է խաղացել ԵԽ ԽՎ-ում ԼՂ-ի վերաբերյալ բանաձևի չընդունման հարցում
Ադրբեջանական APA գործակալության հաղորդմամբ՝ այսօր Բաքվում Շվեդիայի արտգործնախարար Մարգոտ Վալստրեմի հետ հանդիպումից հետո հրավիրված մամուլի ասուլիսի ժամանակ Ադրբեջանի արտգործնախարար Էլմար Մամեդյարովը հայտարարել է, թե պարզում է ԱՄՆ Պետդեպարտեմենտի ներկայացուցիչ Վիկտորյա Նուլանդի մասնակցության աստիճանը ԵԽԽՎ-ում ԼՂ-ի վերաբերյալ բանաձևի չընդունման հարցում:
Մամեդյարովի խոսքով՝ Վաշինգտոնում Ադրբեջանի դեսպանությանը հանձնարարվել է ուսումնասիրել այդ հարցը:
«Դեսպանությունը պարզում է: Այն բանից հետո, երբ հայտնի կդառնան արդյունքները, հայտարարություն կարվի»,- նշել է Մամեդյարովը:
Հիշեցնենք, որ ԵԽ ԽՎ-ի հունվարյան նստաշրջանի ժամանակ բրիտանացի պատգամավոր Ռոբերտ Ուոլթերի «Բռնությունների աճը Լեռնային Ղարաբաղում և Ադրբեջանի մյուս գրավյալ տարածքներում» ադրբեջանամետ զեկույցը տապալվել էր քվեարկության ժամանակ:
