ggtaxi-ին այցելել է զորամասեր

Փետրվարի 7-ին տեղի ունեցավ ggtaxi-ի կազմակերպած ակցիան, որի նպատակն էր՝ օգտակար լինել հայ զինվորին: Ակցիան նվիրված էր Հունվարի 28-ին՝ Հայկական բանակի օրվան: Սակայն ակտիվորեն տարածվող գրիպի պատճառով, հաշվի առնելով Պաշտպանության նախարարության հորդորը, ակցիան հետաձգվել էր:

Ակցիայի շրջանակներում 40 մեքենա անվճար տեղափոխում էր բնակիչներին դեպի Նոյեմբերյանի, Իջևանի, Մահրաբի, Բերդի զորամասեր:

Ակցիային մասնակցելու համար գրանցվելը շատ հեշտ էր. պետք էր կամ մեկնաբանություն թողնել հայտարարության տակ, կամ էլ զանգահարել և գրանցվել: Յուրաքանչյուր ընտանիքից զորամաս մեկնել և վերադառնալ կարող էր 2 ներկայացուցիչ:

Ակցիայի հայտարարումից հետո մարդկանց հետաքրքրությունն այնքան մեծ էր, որ մեքենաների թվի նախատեսված 30-ին ավելացվել է ևս 10-ը: Ակցիային միացել է նաև «Մեգաֆուդ» ընկերությունը՝ զինվորներին ուղարկելով 120 կգ քաղցրավենիք: Ակցիային միացավ նաև Cartly ստարտափը:

Չնայած եղանակային պայմաններին և ճանապարհների դժվարանցանելիությանը` այցելությունը կայացավ, ինչը փաստում են ակցիայից օգտվողների շնորհակալական գրառումները համացանցում:

Սիրարփի Աղաբաբյան

Լուսանկարները՝ ggtaxi-ի ֆեյսբուքյան էջից