«Ես՝ ինչպես կինը, կարող եմ մի քանի բան միաժամանակ անել». Պեպ Գվարդիոլա

Իսպանացին կարծում է, որ իր ուժերից վեր չէ առաջիկա 4 ամիսների ընթացքում «Մանչեսթեր Սիթիին» մեկ աչքով հետևելը:

«Ինչպես ինձ կհաջողվի համատեղել «Բավարիայում» աշխատելը «Մանչեսթեր Սիթիի» իրավիճակի ուսումնասիրման հե՞տ: Ես՝ ինչպես կինը, կարող եմ մի քանի բան միաժամանակ անել: Կարող եմ հսկողության տակ պահել երկու իրավիճակն էլ:

«Մանչեսթեր Սիթիի» հետ պայմանագրի մասին կխոսեմ այն ժամանակ, երբ լինեմ Անգլիայում: Ես չեմ կարող այդ մասին ամեն շաբաթ խոսել:

Առջևում դեռ 4 ամիս կա, և ես ոչ մի պրոբլեմ չունեմ: Թերթերը կարող են շարունակել իրենց հարձակումները, իսկ ես կշարունակեմ կատարել իմ աշխատանքը»,- Գվարդիոլային ցիտում է AS-ը:

Բունդեսլիգայի 20-րդ տուրից հետո «Բավարիան» զբաղեցնում է մրցաշարային աղյուսակի առաջին հորիզոնականը:

Պատրաստեց Անի Գաբուզյանը