«Կլիչկոյի հետ ռևանշը կկայանա, հարցն այն է, թե որտեղ և երբ». Թայսոն Ֆյուրի
Գերծանր քաշային կարգի WBA և WBO վարկածներով աշխարհի չեմպիոն բրիտանացի Թայսոն Ֆյուրին հաղորդել է, որ իր մատչ-ռևանշն ուկրաինացի Վլադիմիր Կլիչկոյի հետ հաստատ կկայանա:
«Ես կարծում եմ, որ ռևանշը հաստատ կկայանա: Հարցը միայն այն է, թե որտեղ և երբ: Կարծում եմ՝ դա կլինի ամռանը: Հուսով եմ՝ Մեծ Բրիտանիայում: Ես արդեն անհամբերությամբ եմ սպասում մարտին պատրաստվելու մեկնարկին»,- ասել է Ֆյուրին:
Պատրաստեց Անի Գաբուզյանը
