«Ես համոզված եմ, որ կարող եմ անկաշկանդ լինել ու քաղաքացու կողքին լինել». Արման Թաթոյան
Քիչ առաջ ավարտվեց ԱԺ ՀՀԿ խմբակցության նիստը, որի ժամանակ պետք է որոշվեր, թե ում է առաջադրելու խմբակցությունը որպես Մարդու իրավունքների պաշտպանի թեկնածու: Նիստից հետո ՀՀԿ-ական պատգամավորները լրագրողներին հայտնեցին, որ որոշում կայացվեց առաջադրել Արդարադատության փոխնախարար Արման Թաթոյանի թեկնածությունը:
Ա. Թաթոյանը լրագրողների հետ զրույցում ասաց, որ ինքը համաձայնվել է: Ինչպե՞ս եք պատկերացնում աշխատանքը՝ հաշվի առնելով, որ իշխանությունների կողմից միշտ քննադատվում են ՄԻՊ-ի զեկույցները, Ա. Թաթոյանն այսպես պատասխանեց. «Ես դեռ ընդամենը առաջադրված եմ որպես թեկնածու, հանձնաժողովում դեռ քննարկումներ կլինեն, այդ հարցերը այնտեղ կքննարկենք: Ես համոզված եմ, որ կարող եմ անկաշկանդ լինել ու քաղաքացու կողքին լինել՝ օմբուդսմենի առջև դրած խնդիրներին համապատասխան»:
Նա նշեց, որ ինքը մոտ յոթ տարի աշխատել ե Մարդու իրավուքների պաշտպանի աշխատակազմում ու լիարժեք պատկերացնում է՝ իրեն ինչ է սպասվում: Նա նաև հայտնեց, որ իր թեկնածությունն առաջարկել է Հավհաննես Սահակյանը:
Դիտարկմանը՝ ասում են՝ Դուք Միքայել Մինասյանի թիմից եք, Ա. Թաթոյանը պատասխանեց, որ նրան անձամբ չի ճանաչում:
