«Վալենսիան» քննարկում է Ռաֆա Բենիտեսի թեկնածությունը
«Ռեալի» նախկին գլխավոր մարզիչը կարող է վերադառնալ «Վալենսիա»:
«Վալենսիայի» մարզչական տնօրեն Խեսուս Գարսիա Պիտարխը արդեն քննարկում է գլխավոր մարզչի պաշտոնի մի քանի թեկնածություններ, ով պետք է գլխավորի թիմը հաջորդ մրցաշրջանից: Ավելի վաղ «չղջիկները» բանակցություններ են վարել Մանուել Պելեգրինիի հետ, իսկ հիմա, ըստ AS-ի տեղեկության, ուսումնասիրում են Բենիտեսի թեկնածությունը:
Հիմա «Վալենսիայում» աշխատում է Գարի Նևիլը, ով թիմի հետ չի հաղթել Պրիմերայի ոչ մի խաղ: Իսպանիայի գավաթում «չղջիկները» պարտվեցին «Բարսելոնային» 0:7 հաշվով:
Բենիտեսը հեռացվել է «Ռեալից» 2016թ. հունվարին: 55-ամյա մարզիչն աշխատել է «Վալենսիայում» 2001-2004թթ.:
Պատրաստեց Անի Գաբուզյանը
