Ֆյուրին կարող է ավարտել կարիերան
Գերծանր քաշային կարգի WBA և WBO վարկածներով աշխարհի չեմպիոն Թայսոն Ֆյուրին մտածում է կարիերան ավարտելու մասին:
«Ինձ հեշտ չէ մոտիվացիա գտնել: Ես կարող եմ ուղղակի գնալ: Լողալ դեպի արևամուտք՝ իմ բոլոր գոտիներով, և շարունակել ապրել նորմալ կյանքով` մնալով անպարտելի:
Ես երբեք չեմ ցանկացել, որպեսզի իմ կարիերան վերածվի միայն գումար աշխատելու միջոցի, բայց հիմա դա միակ բանն է, ինչը կարող է ինձ շարժել:
Ես հասել եմ այն ամենին, ինչ կարողացել եմ: Ես ի կատար եմ ածել երազանքս, հիմա ինձ պետք է մոտիվացիա գտնել: Ես դեռ նույնիսկ չեմ որոշել, ցանկանո՞ւմ եմ արդյոք ռևանշ անցկացնել»,- ասել է Ֆյուրին:
Պատրաստեց Անի Գաբուզյանը
