«Զարուհի Փոստանջյանին խոստացել եմ, որ եթե իր անունը պառլամենտ ընկնի՝ ես անձամբ կողմ եմ քվեարկելու». Աղվան Վարդանյան
«Ես լսեցի այդ անունը երեկ ուշ ժամի, չեմ ճանաչում, դեմքը ծանոթ է»-այսօր ԱԺ ճեպազրույցի ժամանակ խոսելով՝ ՀՀ Մարդու իրավունքների պաշտպանի ՀՀԿ-ի թեկնածուի՝ Արդարադատության փոխնախարար Արման Թաթոյանի մասին ասաց ԱԺ ՀՅԴ խմբացության քարտուղար Աղվան Վարդանյանը:
Հիշեցնենք, որ հանրապետականները հավանական են համարում, որ Մարդու իրավունքների պաշտպանի պաշտոնում կառաջադրեն ՀՀ Արդարադատության փոխնախարար Արման Թաթոյանին:
Աղվան Վարդանյանը տեղեկացրեց, որ իրենք խմբակցությունում ՄԻ պաշտպանի թեկնածուի հարցով նախնական քննարկում են անցկացրել, բայց դեռ վերջնական որոշում չեն կայացրել:
«Զարուհի Փոստանջյանին խոստացել եմ, որ եթե իր անունը պառլամենտ ընկնի՝ ես անձամբ կողմ եմ քվեարկելու. անձամբ եմ խոսք տվել, ես կանանց անձամբ եմ խոսք տալիս»,-նշեց Ա. Վարդանյանը:
