«Միլանը» վերջնականապես հիասթափվել է Բալոտելիից
«Միլանի» գլխավոր մարզիչ Սինիշա Միխայլովիչը հստակ նշել էր, որ «Ինտերի» դեմ խաղի հայտացուցակում բացակայելու է Մարիո Բալոտելին: Այս հայտարարությունը ևս մեկ անգամ շեշտեց, որ միլանյան ակումբը հիասթափվել է Բալոտելից և չի տեսնում ֆուտբոլիստին իր կազմում:
Football Italia-ն այս մասին խոսելիս գրում է, որ ամռանը ֆուտբոլիստը ստիպված կլինի հեռանալ իտալական ակումբից, քանի որ ակումբի ներկայացուցիչները մտադիր չեն «Լիվերպուլից» գնել նրա տրանսֆերը:
Բալոտելին վարձակալվել էր ամառային տրանսֆերային պատուհանի վերջում: Սակայն աճուկային վնասվածքը խանգարեց նրան, և նա բաց թողեց մրցաշրջանի մեծ մասը: «Միլանի» կազմում նա ընդամենը 7 հանդիպում է անցկացրել ու դարձել 2 գոլի հեղինակ:
«Լիվերպուլը» ևս չի ցանկանում վերադարձնել Բալոտելին, քանի որ ակումբի կազմում ընդամենը կես տարի խաղալուց հետո նա հեռացվել էր՝ մարզման ժամանակ ծեծկռտուք կազմակերպելու պատճառով:
Սիրարփի Աղաբաբյան
