Իտալական քաղաքում 28 տարվա մեջ առաջին անգամ երեխա է ծնվել
Իտալիայի հյուսիսային Պյեմոնտ շրջանի Օստանա քաղաքում 1980-ականներից ի վեր առաջին անգամ երեխա է ծնվել: Քաղաքի բնակչության թիվն արդյունքում հասել է 85-ի: Ճիշտ է նաև, որ քաղաքի բնակիչների կեսը Օստանայում մշտապես չի բնակվում:
Փոքրիկ կոմունայի քաղաքապետ Ջակոմո Լոմբարդոն այդ իրադարձությունն անվանել է «երազանք, որը դարձել է իրականություն»:
Պաբլո անունով տղան ծնվել է Թուրինի հոսպիտալում անցած շաբաթ, հայտնում է իտալական La Stampa-ն:
Քաղաքապետի խոսքով՝ քաղաքում ծնելիությունը սկսել է նվազել Երկրորդ համաշխարհային պատերազմից հետո:
Քաղաքում նորածնի լույս աշխարհ գալը տոնել են աղմկոտ երեկույթով: Ոմանք այդ ընտանիքի պատմությունը համարում են լավ նշան այն մարդկանց համար, ովքեր ապրում են նման փոքրիկ քաղաքներում:
Իտալիայի փոքրիկ քաղաքներում ծնելիության խնդիրն ամենալուրջ խնդիրներից է:
