Պերեսը չի հանդարտվում և ցանկանում է Մադրիդ բերել Դե Խեային
Չեն դադարում խոսակցություններն իսպանացի դարպասապահ Դավիդ Դե Խեայի՝ Մադրիդի «Ռեալ» տեղափոխության մասին:
Մադրիդցիների նախագահ Ֆլորենտինո Պերեսը չի դադարում պնդել, որ Դե Խեան հրաշալի տարբերակ է ակումբի համար:
Հիշեցնենք, որ ամռանը Դե Խեայի տրանսֆերը չկայացավ վերջին րոպեներին միայն:
Պերեսը, բացի Դե Խեայից, ցանկանում է անպայման հրավիրել նաև Մյունխենի «Բավարիայի» լեհ հարձակվող Ռոբերտ Լևանդովսկուն:
Սկզբնական շրջանում Դե Խեան նշում էր, որ ցանկանում է տեղափոխվել Մադրիդ, սակայն վերջին շրջանում կարծես հրաժարվել է իր մտադրությունից:
Սիրարփի Աղաբաբյան
