Լարսի անցակետը փակ է եղանակային վատ պայմանների պատճառով
«Կազբեգի-Վերին Լարս» ուղղությամբ տանող ճանապարհը (վրաց-ռուսական սահման) դարձյալ փակ է անդադար տեղացող ձյան ու ձնահոսքերի վտանգի պատճառով, որի առաջացման պատճառը օդի բարձր ջերմաստիճանն է, ասվում է Վրաստանի տարածքային զարգացման նախարարության ավտոմոբիլային դեպարտամենտի հաղորդագրության մեջ:
Այսօր՝ հունվարի 29-ին, արգելված է բոլոր տեսակի տրանսպորտի երթևեկությունը Մցխեթա-Ստեպանծմինդա- կենտրոնական ավտոմայրուղու Լարս Ստեպանծմինդա-Լարս հատվածում, հայտնում է «Գրուզիա օնլայնը»:
Արագվիսպիրի-Գուդաուրի-Ստեպանծմինդա հատվածում արգելք է գործում կցաշղթաներով ու ավելի քան 30 նստատես ունեցող ավտոմեքենաների համար:
Կոբի-Գուդաուրի հատվածը 5 օր փակ էր ձյահոսքերի վտանգի պատճառով: Մեքենաները սկսել են շարժվել այդ հատվածով նախօրեին:
