Ադրբեջանում կարգելվի Վրաստանից ներկրել կենդանիներ ու կենդանական ծագման մթերք

Այսօրվանից Ադրբեջանում պաշտոնապես ժամանակավոր արգելք է սահմանվում Վրաստանից ներկրվող կենդանիների և կենդանական ծագման մթերքի վրա: Այս մասին APA-ին հայտնել է Ադրբեջանի գյուղատնտեսության նախարարությանը կից անասնաբուժական պետական ծառայության մամլո քարտուղար Յոլչու Խանվելին:

Արգելքի պատճառը Վրաստանի խոշոր ու մանր եղջերավոր անասունների շրջանում տարածված հիվանդությունն է:

Դրա հետ կապված՝ տեղեկացվել են Ադրբեջանի բոլոր համապատասխան պետական կառույցները: