Թուրքիան ռազմական աջակցություն կցուցաբերի Ադրբեջանին. Թուրքիայի դեսպան
Թուրքիան, ինչպես Ադրբեջանը, շահագրգռված է Լեռնային Ղարաբաղի հակամարտության կարգավորմամբ: Ինչպես հաղորդում է APA գործակալությունը, այս մասին հայտարարել է Ադրբեջանում Թուրքիայի դեսպան Իսմայիլ Ալփեր Ջոշկունը:
Թուրք դեսպանը հայտարարել է, որ Թուրքիան պատրաստ է Ադրբեջանին աջակցել ցանկացած ոլորտում:
«Ադրբեջանը ներկայում ուժեղացնում է իր երկրի պաշտպանությունը, ու մենք նրան դրանում աջակցություն կցուցաբերենք»,- հայտարարել է Ջոշկունը:
Դեսպանը հայտարարել է, որ քանի դեռ չի վերականգնվել Ադրբեջանի տարածքային ամբողջականությունը, չի հաղթանակել միջազգային իրավունքը, ինչպես Ադրբեջանն է ցանկանում, իրավիճակը տարածաշրջանում չի կայունանա:
Թուրք դիվանագետի խոսքով՝ «հարկավոր է ուշադիր ու զգույշ լինել այն ուժերի նկատմամբ, որոնք կարող են վնասել երկու երկրների կապերին»:
