Հունաստանի ափերի մոտ դարձյալ տասնյակ ներգաղթյալներ են խեղդվել
Հունական ափերի մոտ խորտակվել է ներգաղթյալներ տեղափոխող նավը, հայտնում է AFP գործակալությունը՝ հղում կատարելով առափնյա ոստիկանության ներկայացուցիչներին:
Նավի խորտակման հետևանքով զոհվել է 24 մարդ, այդ թվում՝ 10 երեխա:
Դժբախտ դեպքը տեղի է ունեցել Սամոս կղզու մոտ՝ Էգեյան ծովում:
Փրկարարներին հաջողվել է ջրից դուրս բերել 10 մարդու, ևս 11-ը համարվում է անհետ կորած:
