«Բենզեման լավ տղա է, և ես չեմ կասկածում, որ նա ցանկացել է օգնել Վալբուենային». Ֆլորենտինո Պերես
«Ռեալի» նախագահ Ֆլորենտինո Պերեսը վստահ է, որ «սերուցքայինների» հարձակվող Քարիմ Բենզեմայի և «Լիոնի» կիսապաշտպան Մաթյո Վալբուենայի մասնակցությամբ սկանդալային պատմության մեջ առաջինը գործել է բարի նպատակներով: Պերեսը բարձր է գնահատել Բենզեմայի մարդկային որակները:
«Մենք միշտ պաշտպանել ենք Բենզեմային: Մենք գիտենք նրան և այդ թեմայով նրա հետ զրույցից հետո անհնար է մտածել, որ նա ինչ-որ վատ բան է արել: Քարիմը լավ տղա է, և ես չեմ կասկածում, որ նա ցանկացել է օգնել իր ընկերոջը` Վալբուենային»,- Պերեսին մեջբերում է France Football-ը:
Ավելի վաղ հաղորդվել էր, որ Վալբուենայի նկատմամբ շանտաժի գործի հետ կապված՝ Բենզեման հեռացվել է Ֆրանսիայի հավաքականից:
Պատրաստեց Անի Գաբուզյանը
