Իրանի նախագահի պատճառով Հռոմում ծածկել են անտիկ մերկ արձանները
Հռոմի Կապիտոլիումի թանգարանում ծածկել են անտիկ մերկ հերոսների արձանները Իրանի նախագահ Հասան Ռոուհանիի այցի կապակցությամբ: Ինչպես հայտնում է ANSA գործակալությունը, քանդակները բոլոր կողմերից պատվել են սպիտակ անթափանց պանելներով՝ որպես մուսուլմանական աշխարհի ու մշակույթի նկատմամբ հարգանքի նշան:
Իսլամի տեսանկյունից՝ արձաններն ու քանդակները հանգեցնում են բազմաստվածության, այդ պատճառով էլ արգելվում են:
Առավել անընդունելի է համարվում գիպսից, քարից կամ թղթի վրա մերկ մարդկային ֆիգուրի ստեղծումը:
https://www.youtube.com/watch?v=VfhjqawRWlk
