Սիրիական բանակը հետ է խլել ռազմավարական Շեյխ-Միսկին քաղաքը
Դիտորդները հայտնել են Reuters գործակալությանը, որ Սիրիայի կառավարական զորքերը արյունալի մարտերից հետո կարողացել են վերահսկողություն սահմանել Դերաա նահանգի ռազմավարական քաղաքի նկատմամբ:
Շեյխ-Միսկին քաղաքը գտնվում է ճանապարհների խաչմերուկում, որոնք միմյանց են կապում Սուվայդա, Կունեյտրա ու Դամասկոս նահանգները երկրի հարավի հետ:
«Քաղաքը չափազանց կարևոր է հակամարտության բոլոր կողմերի համար: Հիմա, գրավելով քաղաքը, Ասադի ուժերը կտրել են զինյալների հեռահաղորդակցությունը Դերաա նահանգի արևելյան ու արևմտյան մասերի միջև»,- հայտնել է Ռամի Աբդուրռահմանը՝ Մարդու իրավունքների սիրիական կենտրոնի նախագահը:
Նրա խոսքով՝ քաղաքում, որը երկար ժամանակ գտնվում էր զինյալների ձեռքին, ավերածությունները ահռելի են:
